ဒွေးလိုလူမျိုးကို အစားထိုးဖို့ မလွယ်ပါဘူးလို့ပြောတဲ့ ပြေတီဦး

ပြေတီဦးက ‘အဖြူရောင်ရဲတိုက်’ဇာတ်ကားကြီးမှာ အဖေနေရာက သရုပ်ဆောင်တဲ့အခါ တချို့နေရာလေး တွေမှာ ကြိုးကြိုးစားစားလုပ်ရတာလေးတွေ ရှိတယ်လို့ပြောပါတယ်။ အဖေနေရာက သရုပ်ဆောင်တဲ့အခါ အခုချိန်မှာ ဘယ်လိုခံစားရလဲဆိုတော့….”သရုပ်ဆောင်တဲ့အပိုင်းမှာတော့ ကွာခြားမှုမရှိပါဘူး။ ဒီကားမှာ ကိုယ့်မိန်းမကလေး မွေးပြီဆိုတာကို ကြားတဲ့အခန်းမှာတော့ ကိုယ့်အဖြစ်အပျက်နဲ့လည်း တိုက်ဆိုင်နေ တော့ တကယ်ဖြစ်နေတာများလားလို့ နည်းနည်းလေးထင်မိတယ်”လို့ ပြောပါတယ်။ကလေးအတွက် လိုအပ်တဲ့ပစ္စည်းလေးတွေကို ကြိုမှာကြိုစုဖြစ်နေတယ်လို့ပြောတဲ့ ပြေတီဦးကို အိန္ဒြာကျော်ဇင်ကို ဘယ်လို ဂရုစိုက်ဖြစ်လဲဆိုတော့”အဓိကတော့အစား အသောက်၊အနေအထိုင်၊ အသွားအလာအကုန် လုံးဂရုစိုက်ရ တာပေါ့။ အရင်ကလိုမဟုတ်တော့ စားတာသောက်တာမှားမှာ။ ချော်လဲမှာတို့ကိုဂရုစိုက်ရတယ်”လို့ ပြောပါ တယ်။ရင်ထဲရောက်တဲ့ဇာတ်၊ ရိုက်ချင်စိတ်ရှိတဲ့ ဇာတ်၊ ကိုယ်သဘောကျတဲ့ ကိုယ်လုပ်ရတဲ့ ဇာတ်တွေကို ရိုက်သွားမယ်လို့ပြောတဲ့ ပြေတီဦးက ”အရင်စရိုက်ကတည်းကလည်း ဒီအတိုင်းပါပဲ၊ ‘ပဉ္စာနန္တရိယကံ’ ဆိုတဲ့ကားမှာ ကျွန်တော်ပထမဆုံးခေါင်းဆောင်အနေနဲ့စပြီး ထိုးဖောက်တဲ့အချိန်ကတည်းက ဒီဇာတ်က ဗန့်ပုံစံ၊ ခပ်ကြမ်းကြမ်းသရုပ်ဆောင်ထားတာ၊ အရေးကြီးတာက ရင်ထဲရောက်ဖို့ပဲ။ ကိုယ်တစ်ကယ်စိတ်ပါတဲ့ ဇာတ်ဖြစ်ဖို့ပဲ။ အဲဒါကခုမှပြောင်းလဲတာ မဟုတ်ဘူး။ ကျွန်တော်စလုပ်ကတည်းက ဒီအချိန်ထိဒီအတိုင်းပဲ။ ကျွန်တော်ဗန့်ကို ဘာကြောင့်ရိုက်လဲဆိုတော့ ဇာတ်ကောင်စရိုက်တစ်ခုကိုပီပြင်အောင် သရုပ်ဆောင်နိုင်မယ် ဆိုရင် ပရိသတ်က အားပေးမှာပဲဆိုတာကို ကျွန်တော်ယုံကြည်တယ်။လက်ခံတယ်။ အဲဒီလိုယုံကြည်တာကလည်း ‘ပဉ္စာနန္တရိယကံ’ကားမှာ ဘယ်လောက်ဆိုးဆိုး  အကျိုးပြုချင်တဲ့ စိတ်လေးတစ်ခု၊ ကိုယ်ကမက်ဆေ့ခ်ျလေးတစ်ခုပေးချင်တာကို ပရိသတ်ကသိတဲ့အခါ ကိုယ့်ရဲ့သရုပ်ဆောင်မှုအပေါ် ပရိသတ်ကကျေနပ်တော့ အားပေးတာပါပဲ။ အဲဒီလို ယုံကြည်တဲ့အတွက်ရိုက်တာပါ”လို့ ပြောပါတယ်။ဒွေးနဲ့ဇာတ်ကားတွေ ရိုက်ကူးခဲ့တဲ့ ပြေတီဦးက ဒွေးအမှတ်တရနဲ့ ပတ်သက်ပြီး ”အစ်ကိုတို့ သရုပ်ဆောင်လောကကို စဝင်တဲ့အချိန်ကကိုသားကြီးက အရမ်းအောင်မြင်နေတဲ့အချိန်ဆိုတော့ တွဲပြီးရိုက်ဖြစ်ခဲ့ပါတယ်။ ကျွန်တော်ကကိုသားကြီးနဲ့ သိပ်ရင်းရင်းနှီး နှီးပေါင်းဖြစ်ခဲ့တာမရှိတော့ သူ့ရဲ့စိတ်နေစိတ်ထားတော့ များများမသိခဲ့ဘူး။ ကိုသားကြီးကို လေးလည်းလေးစားတယ်။ခင်မင်တယ်။ ကျွန်တော်တို့နဲ့ အတူတူ ကားရိုက် တဲ့အခါ ကျွန်တော်တို့အပေါ်မှာ ဖေးဖေးမမဆက်ဆံတာ၊ လိုအပ်တာရှိရင် ပြောပြတာ၊ အကြီးတစ်ယောက်အနေနဲ့တော့ ပြောပြတယ်။သူနဲ့ပတ်သက်တဲ့ အသိုင်းအဝိုင်း ကပြန်ကြားရတာတော့ သူကအားနာတတ်တယ်။ ကူညီချင်စိတ်အရမ်းရှိတယ်။ စိတ်ထားလည်းကောင်းတယ်လို့ကြားတယ်။ ကျွန်တော့် အနေနဲ့လည်းဒီလိုယုံကြည်ပြီး လက်ခံထားပါတယ်။ကျွန်တော်တို့ ပရိသတ်တွေအားလုံးရဲ့ သတ်မှတ်ချက်အရရင်ထဲမှာ အမြဲတမ်းရှိတဲ့အကြောင်းက ကိုသားကြီးက ကျွန်တော်တို့ ဒီအနုပညာလော ကမှာ သူကနံပါတ်တစ်ပါပဲ။ ဒီသတ်မှတ်ချက်က ဘယ်သူတွေရဲ့ ရင်ထဲမှာမှ ပြောင်းလဲသွားမှာမဟုတ်ပါဘူး။ သူ့လိုလူမျိုးကို အစားထိုးဖို့ဆိုတာမလွယ်ပါဘူး။ လူသေ သွားပေမယ့်သူ့ရဲ့အနုပညာက ဘယ်တော့မှသေမှာမဟုတ်ဘူး။အမြဲတမ်း သတိတရရှိနေမှာပါ”လို့ ပြောပြပါတယ်။